سياسة الخصوصية
آخر تحديث: 15 أكتوبر 2026 · التطبيق في مرحلة تجريبية
قيفرين لعبة تعليمية لطلاب الثانوية العامة. الصفحة دي بتقول إيه البيانات اللي بنجمعها، وليه، ومين بيشوفها، وإزاي تمسحها. لو سنّك أقل من 18 سنة، اقراها مع ولي أمرك.
اللي بنجمعه
| إيه | ليه |
|---|---|
| الإيميل وكلمة السر (بتتخزن متشفّرة عند مزوّد الحسابات، ومحدش في الفريق يقدر يشوفها) | تسجيل الدخول، وتأكيد الحساب، واسترجاع كلمة السر |
| اسمك في اللعبة، واسم المستخدم (@)، والشعبة | نعرض المواد بتاعتك، وصحابك يضيفوك، والترتيب |
| إجاباتك، ومعاركك، وتقدّمك، ونقطك، والـ streak، والجروح | تصحيح الإجابات على السيرفر، والجاهزية، والمراجعة، والترتيب |
| صحابك، والتحديات، ورسايلك لصحابك، ومنشوراتك وتعليقاتك وإعجاباتك في المجتمع، والبلاغات | الأجزاء الاجتماعية، والأمان والإشراف |
مش بنجمع موقعك، ولا جهات الاتصال، ولا صورك، ومفيش إعلانات، ومش بنبيع بياناتك لأي حد. على الموبايل نفسه التطبيق بيحفظ إعداداتك، ونسخة من محتوى الأسبوع، وجلسة الدخول، وتقدّم وضع التجربة.
مين بيشوف إيه
- الترتيب (القومي أو ترتيب الفصل): اسمك في اللعبة، ومستواك، ونقطك.
- صحابك اللي قبلت طلبهم: اسم المستخدم، والمستوى، ونقط الأسبوع، والـ streak.
- المجتمع: منشوراتك وتعليقاتك باسمك واسم المستخدم، لكل الطلبة المسجّلين.
- الرسايل: بينك وبين صاحبك بس. فريق قيفرين مبيشوفش رسالة إلا لو اللي استلمها بلّغ عنها.
- عوالم المدرّسين: لو انضميت لعالم مدرّس بكود دعوة، الفريق ممكن يبعت للمدرّس ده تقرير عن تقدّم أعضاء العالم بتاعه بس.
- فريق قيفرين بيشوف اللي محتاجه عشان يشغّل اللعبة ويراجع البلاغات، وكل إجراء إشراف بيتسجّل.
فين بتتخزن وقد إيه
- البيانات على خوادم مزوّد قاعدة البيانات والحسابات (Supabase) في الاتحاد الأوروبي، والاتصال دايماً متشفّر.
- الإيميلات (التأكيد واسترجاع كلمة السر) بتتبعت عن طريق مزوّد إيميل.
- نسخة احتياطية مشفّرة كل ليلة، بتتمسح لوحدها خلال 30 يوم بالكتير.
- تفاصيل الإجابات بتتمسح بعد 60 يوم، والمعارك بعد 90 يوم، والرسايل بعد 120 يوم. ملخّص تقدّمك (النقط والمستوى ومستواك في كل جزء) بيفضل طول ما حسابك موجود.
حقوقك
تقدر تعدّل اسمك واسم المستخدم والشعبة من التطبيق، وتطلب نسخة من بياناتك أو تصحيحها على ، وتمسح منشوراتك. ولمسح الحساب كله: صفحة مسح الحساب أو من التطبيق (أنا ← عن قيفرين ← امسح حسابي)؛ بننفّذه خلال 30 يوم بالكتير.
التغييرات
لو غيّرنا الصفحة دي (مثلاً لو ضفنا تقارير الأعطال)، هنحدّث التاريخ اللي فوق، ولو التغيير كبير هنقولك جوه التطبيق.
تواصل معانا
Privacy policy (summary)
QEVRIN is a learning game for Egyptian high-school students. We collect your e-mail and password (hashed by our sign-in provider), your in-game name, username and stream, your answers and progress, and what you do in the social features (friends, messages, community posts, reports), to run the game, grade answers on our server, show boards, and keep players safe. No location, contacts, photos, ads or data sales. Boards show your name, level and points; friends see your username, level, weekly points and streak; community posts are visible to signed-in students; messages are private between two friends unless the receiver reports one. Data lives with Supabase in the EU over encrypted connections; nightly encrypted backups expire within 30 days; answer details are removed after 60 days, fights after 90, messages after 120. Ask for a copy, a correction or deletion at the address above; account deletion is completed within 30 days. If you are under 18, read this with a parent or guardian.